Ka chnat Health & Family Welfare, East Khasi Hills daw sdang ko ya ka bynta wa ar namo ka 2nd Round ka Intensified Mission Indradhanush 4.0 hapoh ka District nadooh ka 7 tarik hadooh ka 14 tarik uni u bnai kam chibynta i e tika wa boon jait wei wow pyntikna wa ki khynnah wa ki kynthai wa punkhon u yoh ki yei tika yong ki.
Neidaw wa ka khlam COVID-19 da pynthut ko ya kiwa boon ki kaam wa yataoh wow lai e tika kam ya ka Polio, Japanese Encephalitis, Rubella wa kiwi kiwi, kamtæ emkaam u pyntikna wym em ki khynnah ki wym yoh pura yei tika yow lait ki nei maa wow yoh kjut wei yow lait leh u poor ki kjut ha kiwon kiwon ki thaw.
Hajrong ini wa da pynthut ka khlam, da pynkrehkaam da ka Intensified Mission Indradhanush 4.0 yow yoh tika kitu ki wym pu yoh tika wei yow e tika ya kitu ki wym pu em pyndep pura ya iwa toh u yoh tika wa kynthup ya ki khynnah wa ki kynthai wa punkhon.
Kamtæ da kyrpaad ya ki bei ki pa wow yah ki ya ki khon kiwa em hapoh 2 snem kiwa da toh por wow yoh tika ha ki thaw e tika ha ki chnong ki thaw wa em ki. Da khut leh ya ki waheh chnong, ki seiñ, kiwa yahkhmat niam wa kiwi kiwi wow e ki yei kti timun tidiang wow ya krehlang waka sorkar yow pyntikna wa ki khynnah yoh ki ya i tika yong ki.
