Daw sliah noh yei yung ha laad Thomas Jones kawa em ka bank wa ka thaw dai kot

Jowai : U surok Tpep Pale – Kynrooh Saphlang uwa haap hapoh i pait i yoo yong u Executive Engineer, PWD (Roads), South Jowai Division, u ma M. Nongpluh, ynne ka sngi da pyntip u wa daw sliah noh ya i yung ar mala wa em ka Rural Bank, wa em hajan ka laad wow psiah cha Thomas Jones Synod College.

Uni u surok uwa jrong kamwa 2.19 Km da man wow chna ya oo hajrong ka nongrim wow pynsuk yei lai yei wan ki paidbah deiwa pynkyllooid ya u surok hei lut kamwa T. 6,40,26,400.00 (Ynru Klur Soophaw Lak Arphaw Ynru Hajar Soo Spah). Ya kani ka poisa da yoh na ka Special Plan Assistance (S.P.A) yong ka sorkar jylla Meghalaya.

Katkam wa man katni da dep chna salan yei yung wa em marpyrchah ka Thomas Jones College yow kyrriah ya ka Synod Bookstall wa ka Rural Bank. Da pyntip u ma Nongpluh wa ki kot na ka Synod Book Stall daw kyrriah noh pyn ha kani ka tayaw wow wan katwa ya ka bank won hapoh san-ynru bnai hadien wa dep chna ya ka Strong Room yong ka bank.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ini i thmu toh yow pynkmai ya kani ka laad yow suk ki paidbah yow pyndam noh ya ka One-Way kawa dang pynkrehkaam katni.