Shillong: Ka Congregation of Christian Brothers (CCB), ka dhab kiwa kreh niam (Brother) yong ka balang Catholic hapoh ka jylla da pynbna ko wa daw pynman ko ya ka takit pohyung yong ka heiyatoh wa i chah pynbaad ki Brother ka Balang wa leh khlemakor ki ya kawi ka bru katkam wa da pynbaad ko ha ka Facebook Profile yong ka.
Ha ka 19 tarik uni bnai ka Kurkalang da pynbaad ko ya u Brother Francis Gale ka Christian Brothers wa u Brother Muscat ka Don Bosco, Laitumkhrah wa leh khlemakor ki ka heipor wa da khynnah ko.
Ka Kurkalang katkam i phla yong ka da ong ko wa neini i chah leh khlemakor ko ha kini ki arngut ki Brother da pynchang ko wow chim yei mynsien yong ka la le sien wei da pynbaad ko wa kini ki arngut ki Brother da leh khlemakor ki ka nadooh i por wa em ko 5 snem.
Da ong ko leh wa ym em kwah ko wow ujor FIR.
Neiliang ka Balang won da pyntip ki wa ka Society Protection Officer (of the Christian Brothers) for Safeguarding Children and Vulnerable Adults daw wan ki na New Delhi ha kini ki sngi cha Shillong yow chem yeiwa jia sakhiat.
Da pyntip leh wa ka Congregation da tip ki yeini ha kini ki snem wa dadep wei da pynman ki ya ka takit katwa ka Kurkalang heiwa thoh ko ha ka Facebook Post yong ka da ong ko wa 5-6 snem nachwa da pynman ya ka takit da ka seiñ ki Christian Brothers heiyatoh won wa i chah leh khlemakor ki khynnah skur chynrang kiwa boon toh kiwa sah boarding wei da pynmih leh yei pyrtuid yong ka kynthai samen kawa chah leh khlemakor khlem da pyntip namo yohbor na ka.
Discussion about this post