Daw takit ka NIA ya u DSP wa chah kem chirup wa ki dkhot ka Hizbul Mujahideen

Ka National Investigation Agency (NIA) daw lai ko cha Srinagar wow takit ya u Deputy Superintendent of Police (DSP) yong ka Jammu and Kashmir (J&K) u Davinder Singh.

Ka NIA daw lai ko leh cha ki thaw wa jooh sah u kam ha Kulgam, Qazigund wa ha Srinagar Airport heiwa da kreh u hapoh ka chnat Anti Hijacking ki pulit ha kani ka Airport.

Hadien wa pynman ya ka takit ka NIA daw yah ko ya u Singh cha Delhi.

Kam wow pynkynmoo heini u Singh da chah kem u ha ka 11 tarik uni u bnai chirup wa 3 ngut ki dkhot ka seiñ kieñ suloi, ka Hizbul Mujahideen wa kynthup ya uwi na ki heh kani ka seiñ, u Naveed Babu heipor wa dang lai luti ki da ka kari ha Kazipur.