U Symbood Montri Rangbah ka jylla uwa pait ya ka chnat Bordiñ, u Prestone Tynsong da ong u wa ka chnat daw pynthymme noh ko da ki bru wa pura hapoh ka Meghalaya Energy Corporation Limited (MeECL) wow ksoh ya i kaam Chairman Cum Managing Director (CMD).
Hawa klam ynne ka sngi, u Prestone da ong u wa ya kani ka kyrdan wa ha khliehdooh hapoh ka MeECL daw jied pura noh da ki bru wa chkeh ha itai i kaam, ki wow pait ya waroh ki chnat ka MeECL, nadooh ka Transmission, Generation wa ka Distribution.
Hawa kylli, da ong u wa ya katni ympu ye wow ong kiwa kammon wow thung pura katwa ympu yoh yei mynjur na ka Dhab ki Montri, wei boi ha ka yalang ka wow wan boi daw rah ya kani ka phang.
Ini i klam u Symbood Montri Rangbah toh hadien wa ka takit wa khlieh da u Justice (Retd) RN Mishra da e yumut ko ya ka sorkar wa emkaam wow em noh da u CEO namo u MD wa pura neibynta u lai bait i kreh ka chnat, neibhah katkam i chem ka takit ym em i bakla heiyatoh wa ka MeECL.
