Shillong: Ka Fifteenth Finance Commission daw wan ko cha ka jylla Meghalaya nadooh ka 3-5 Naiynru, 2019 wow pait ya ka kaam poisa poilaiñ namo ka State Finance chwa wow phah ya i tyrwa (Recommendation) cha ka sorkar pyrdi.
Ya ka Commission ka wow wan cha jylla daw khlieh da u Chairman, u N.K. Singh wa ki dkhot wa kynthup ya u A.N. Jha, Dr. Ashok Lahiri, Dr. Anoop Singh, Prof. Ramesh Chand wa kiwi kiwi ki sahep ki wow yachem ya u montri rangbah wa ki montri yong oo kamjooh ki heh sahep ka sorkar jylla.
Ka Commission daw yachem ko leh ya kiwa mihkhmat na ki thaaiñ nongkyndon namo Rural Local Bodies, kamjooh kiwa na sor namo ki Urban Local Bodies, kiwa mihkhmat na ki kaam khayi wa karkhana namo ki Trade and Industry Bodies ka jylla.
Chooh chooh ka Commission daw yachem ko leh wa ki seiñ saiñ hima, daw yachem ko leh ya ki Women Self Help Group wa kiwa psan dakha kiwa da kyrchaan da ka Meghalaya State Aqaculture Mission (MSAM).
Daw lai sylli ko leh ya ki kreh MNREGS hapoh jylla wei daw yaklam ko leh wa ki Village Employment Council (VECs) wei daw lai ko leh cha ki Hortihub ka Meghalaya.
Neiliang ka sorkar jylla da e dorkhat ko leh cha ka Fifteenth Finance Commission wei da e batai bniah (detailed presentation) na u Principal Accountant General (Audit) ka jylla hajrong ka kaam poisa ka sorkar.
Discussion about this post