Jowai: Ha ka kyrwoh kawa phah da u Phadar Anthony Kolencherry, Director ka Divine Mercy Retreat Centre Ladrymbai, East Jaiñtia Hills District da ong u wa i pynkhreh neibynta ka Bible Convention wa ka duwai pynchait pynkhiah ya kiwa kjut wa chitom u sdang ko nadooh ka 27 tarik hadooh 29 tarik uni u bnai nadooh 9 waje i step hadooh 4 waje i janmiet da lai ko cha khmat nadooh ki thaw pynman Convention hadooh ki thaw sahmiet ya kiwa kjut wa chitom kiwa wan na jan wa na jngai.
Da ong u leh wa u Phadar Paul Koonan u wow wan duwai pynchait man u u bru uwa da e sap e phong da u Blai wei lyngba i duwai yong oo, u Blai ap wei chahckhoor u wei kiwa chah duwai kiwa boon hi yoh ki yaka chait ka khiah na ki kjut waphær waphær.
Kamtæ neiliang ka Bible Convention wa ka pynchait ya kiwa kjut da khut da wer ko ya kitu kiwa sñiaw emkaam khamtam ya kiwa kjut kiwa chitom wow yawan cha kani ka Bible Convention yow yoh i pynchait.
Daw em leh ka ‘United for Christ Prayer Group’, Shillong ki wow rwai yaroh ha kani ka Convention wei daw wai emburom yaka da u Most Rev. Victor Lyngdoh DD, Bishop ka Jowai Diocese.
Yaka yutip wa rap bniah ye wow phone ha kini ki number ha wah:
Rev. Fr. Anthony Kolenchery (Director)- 7085272914, Rev. Fr. Jojo Varekulam (Asst. Director)- 9366797211, ka Careful Mary Siangshai (Bible Committee Chairperson)- 9366022104, ka Johbok Phawa (Bible Committee Vice Chairperson)- 8256963922, ka Baltina Nongtdu (Bible Committee Secretary)- 7630092018.
Discussion about this post