Daw wan sakhi kiwa yalehke ka Australia ya ka 6th Meghalaya Games 2025

Deiwa sah sa du ar sngi chwa wow wai noh ya ka 6^th Meghalaya Games 2025 kawa da booh wow pynman nadooh ka 20 hadooh ka 25 tarik uni u bnai, i pynkhreh ya ki thaw yalehke toh kiwa da jan dep, heiwa neiliang u Deputy Commissioner ka West Jaiñtia Hills, u B.S. Sohliya da pyntip u wa kiwa yalehke na 11 tylli kiwi ki District waka District yong i daw poi ki ha ka 19 tarik uni u bnai.

Ynne hawa yaklam wa kiwa thoh khubor ha Conference Room ka DC Office, Jowai da khana u wa ka yalehbol toh kawa da sdang nadooh ka 15 tarik wei ya ka wai pyrda dadep wow pynman ha ka 13 tarik deiwa pynlait leh yei sur kamjooh ka Video kani ka Meghalaya Games deilang u Mascot uwa da e pyrtuid “U Kiang” uwa da pynwan dur hei dur u khla Leopard uwa man leh kam u State Animal wei da pynriam ya oo kam u khlawait ka ri, “U Kiang Nangbah” wei ya uni da pynwandur da u Kamtre Sumer kam chibynta ka yakob wa da pynman da ka yung krehkaam u DC ka West Jaiñtia Hills.

Da pyntip u leh wa kiwa chong chnong ka Jowai da leh ki chiboon wow pynkhreh wow pynyoo yei man i long ka imlang sahlang yow pynman ya kani ka lympung kawa jop. 

Neiliang u John F Kharshiiing, Working President ka MSOA, da yaroh u ya ki bor District deilang ki 15 tylli ki Committee kiwa da kreh chitom yow pynkhreh ya kani ka Meghalaya Games. Deiwa kdaw leh wa ha kani ka 6^th Meghalaya Games hei sien wa nyngkong daw em 7 ngut kiwa man kyrpang namo ki Para-Athletes, kiwa soo ngut ki kynthai wa le ngut ki chynrang kiwa daw chimbynta ha ka yakob yasiat namo ka Para Shooting Event (Pistol & Rifles). Wei yeini da ye wow leh deiwa chimkhia u Montri Rangbah ka jylla, u Conrad K Sangma wow kynthuplang ya kini.

Related posts

Lai pynkhooid ki dkhot ka chnong Panaliar yei chah leh pynsih ki dur ka Meghalaya Games

January 18, 2025

Rai pynrem ka yung bichaar ya u Sanjay Roy uwa tynyap wei slaitbor ya ka Doctor

January 18, 2025

Da pyntip u leh wa hei sien nyngkong ha ka Meghalaya Games daw wan kiwa yalehke ka Australia kiwa man kam ki High Performance Team ka MSOA wa kynthup u Robert Kabas wa u Ian Campbell kiwa daw wan wow sakhi yei wai ya ka Meghalaya Games.

Chooh chooh da khana u wa ha kani ka Meghalaya Games daw em kamwa 3500 ngut kiwa yalehke ki wow yaknieh ya 1600 tylli ki takma wa kynthup ya palat 500 tylli ki takma ksiar, takma rupa wa palat 600 tylli ki takma tama.

Neiliang u Superintendent of Police ka District, u C. Syrti, da pyntip u wa ki pulit da man ki kiwa da pynkhreh wow e yei yada kamjooh yow pyntikna wa man kani ka Meghalaya Games kawa chngaaiñ neibynta waroh kamjooh kawa lai bait.