Ka Rock Band wa pawnaam ka pyrthai kiwa na U.K. kiwa tip kam ki Def Leppard daw wan tem ki cha India ha u March 2026 ha ki le tylli ki thaw wa kynthup ya ka Shillong.
Yei thaw tem ha Shillong toh ha JN Stadium (Polo Grounds) ha ka 25 tarik u March, ha Mumbai won ha Jio World Garden ha ka 27 tarik u March wei ha ka 29 tarik u March won ha Bengaluru ha NICE Ground kam chibynta ka Badland on Tour Concert Series.
Ki Def Leppard da mut ki wow wan nyngkong cha India ha u snem 2008 tangwa da hap wow pyndam noh ka na ki daw wym ye u kiar.
Ki Def Leppard toh kiwa dadep wow dai palat 110 Million Album ha kyllieñ ka pyrthai, da yoh ki leh ar tylli ki Diamond Awards ha U.S., da man ki leh kiwa da pynpsiah hapoh ka Rock & Roll Hall of Fame wei da pawnaam bha ki ha ki snem 1980 da ki Album kam ka Hysteria (14x Platinum) wa ka Pyromania (11x Platinum).
Da pynmih ki leh ini wa dep ya ka Album wa 12 ki kawa tip kam ka Diamond Star Halos wei daw pynmih ki leh sa kawi ka Album ha u 2026.
Ya ka Ticket u sdang dai ha ka 13 tarik uni u bnai heini.
Discussion about this post