Ka Racing Club de Blackheath kawa na United Kingdom daw wan ko wow chimbynta ha ka yalehke (Exhibition Match) kawa daw pynman ha ka 18 tarik uni u bnai ha Wahiajer Multi Sports Complex deiwa yachem wa ka Jaiñtia Veteran 11.
Ka Racing Club de Blackheath toh kawa da seiñ ha ki snem 1980 da kiwa chi lok na South-East London kiwa da heh rta deiwa lai yalehbol wot cha baar ri kam chibynta wow pynyatoh lok.
Ha ki snem wa dadep, da wan ki wow lai yalehbol ha Myanmar, Nepal, Uzbekistan, Iran, Pakistan, Syria, Cuba, Georgia, Azerbaijan wa kiwi kiwi de.
Kani ka yalehke ha Wahiajer u sdang ko heipor 11:00 waje i step wei da pynman ya ka da ka yung krehkaam u DSO, West Jaiñtia Hills deilang wa ka Thadlaskeiñ Sports Association.
Kamtæ da khut sñiawbha ya phi ki paidbah wow wan pait ya kani ka yalehbol wei ym emkaam u su ya ka bai psiah bai paitke.
Discussion about this post