Ka sorkar India dang em ko hei yaklam wei ya pynbait wa ki ri ka Africa yow wanrah ya ki Cheetah chapoh ka ri. Da thmu wow wanrah 12 hadooh ki 14 tylli ki Cheetah na South Africa/Namibia wa na kiwi ki ri ka Africa ha ki 5 snem.
Kini ki Cheetah daw pyndait lang ki wa ki Satellite/GSM-GPS-VHF Radio-Collars chwa wow pynlait ya ki cha khloo yow ye wow booddien ya ki.
Ki Cheetah toh kiwa da wiar jait na India ha u snem 1952, wei kamwa man kattæ ym em Cheetah de wot ha ki National Park lane ki Wildlife Sanctuary ka ri.
Na ki 12-14 tylli ki Cheetah (8-10 tylli ki chynrang wa 4-6 tylli ki kynthai) daw wanrah na ki Parks/Reserves ki ri ka Africa kiwa da biang wow kha khon, kiwa chait wa khiah ki wym pu em ware yachem bru kiwa dang man kam ki mrad khloo kiwa dang tip wow kdong mrad, kiwa ye wow ya imlang para ki daw wanrah na South Africa/Namibia wa kiwi de ki ri ka Africa yow ye biang u pynmoh jait ya kini ki jait mrad hapoh ka ri.
Na ki jait mrad wa baam doh kiwa heh, ki Cheetah toh du ki kiwa da wiar jiat ha India nadooh wa yoh laitlooid. Kamtæ yow pynim biang hapoh ka ri da hap wow wanrah na baar ri. Ki Cheetah da man ki leh kiwa emkaam hawa pynwandur ya ka rymaw ka India kamjooh kiwa em ha ki parom ki riti dustur.
Deiwa wanrah ya kini ki Cheetah da yooluti wow ye u pynneh pynsah ya ki phlang, ki khloo deiwa man ki kam ki jait mrad wa em ha khlieh dooh ka rymaw.
Yow leh yeini, daw pynlut T. 38.70 klur hapoh ka Scheme Project Tiger ka sorkar pyrdi deiwa booh bhah neibynta u snem 2021-22 hadooh 2025-26.
Yeini da pyntip da u Ashwini Kumar Choubey, Minister of State, Ministry of Environment, Forest & Climate Change hapoh ka Lok Sabha ynne ka sngi.
