Daw yakhun ka Puriang FC wa ka Hamlen FC ha ka Semi-Final wa nyngkong ka MIFT

Mawryngkneng: Ka Semi-Final wa nyngkong yong ka 4th Mawryngkneng Invitation Football Tournament (MIFT) 2018 wa da pynman da ka Mawryngkneng Cultural & Sports Club daw man ko ha ka 29-08-2018 hapyrdi ka Puriang FC na Puriang wa ka Hamlen FC na East Jaiñtia Hills .

Kam wow pynkynmoo ka Puriang FC da yoh psiah ko cha ka Semi Final deiwa pynrem ya ka Rangdajied United FC katwa ka Hamlen FC won da pynrem ko ya ka YBSC ha ka Quarter Final yong kani ka lympung.

I por yalehke yong kani ka Semi Final toh heipor 2:30 noh chariñ ka sngi.

Chwa kani ka Semi Final ka MIFT daw em ka Semi Final yong ka Mawryngkneng Knockout Football Tournament hapyrdi ka Thrangjingshai FC pyrchah ya ka Diengpasoh FC heipor 12:00 waje i sngi .