Daw yarap poisa ka sorkar ya kiwa mylla sngi kiwa dooh u lai khih neidaw ka Lockdown

Ka Department of Labour deiwa ya krehlang waka Department of Revenue & Disaster Management ka sorkar Meghalaya daw e yarap poisa ki cha kitu kiwa dooh wa duk ka imlang sahlang kiwa da dooh wow lai mylla sngi ha kini ki por wa em ka Lockdown wei ki kyndon wa bniah daw pynbna ha kini ki sngi wow wan.

Kamwa thmu toh wa waroh kitu ki wakreh mylla sngi kiwa chah ktah na kani ka Lockdown neidaw u COVID-19 ye ki wow pyntip chaphang yong ki cha ka State Emergency Operation Centre (EOC) deiwa phone ha u number 1070 (Toll Free).

Kini ha wah ym toh ki wow yoh myntoi na kani neidaw wa da yoh yarap ki lyngba kiwi ki laad:

1. Kiwa em hapoh ka Building & Other Construction Workers (BOCW) lyngba ka Welfare Board.
2. Ki wakreh MGNREGA lyngba ki BDO ki jar jiar ki C&RD Block.
3. Ki wakreh Muster Roll lyngba ki jar jiar ki chnat.
4. Ki wakreh Casual Wage Woker haka Sorkar, ki Semi-Government Department kiwa yoh yarap na ki jar jiar ki thaw kreh ki.

Ya kiwi kiwa mylla sngi, hawa phone ki ha u number 1070 toh u pyntip ki ya ini:

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

1. I pyrtuid wa pura
2. I thaw sah
3. I jaitkam wa kreh ki
4. Epic Number
5. Phone number
6. Ka Bank Account wa IFSC Code.

Waroh ini toh u pyntip chwa namo hadooh ka 3^rd April, 2020.

Ini i yarap toh du ya kitu kiwa mylla sngi kiwa da dap 18 snem kiwa da dooh wow lai khih donhi. Kiwa leh thok namo kiwa kam thok daw pynchitom yaki katkam ka aiñ.