Daw yoh ka East Jaiñtia Hills ya ar tylli ki Farmers Producers Company

Ka yungkrehkaam u District Horticulture Officer, Khliehriat ynne da pynman ko ya ka yaw pynyoo rong ya ki soh wa ki musla namo ka Fruits and Spices Exhibition ha pchem ka yung krehkaam u District Agriculture Officer, Khliehriat. 

Ha kani ka sngi, ka Sainara Nongbet, Director of Horticulture da man ko kam ka kongsan katwa u Dr. Sankey Shangpung, Chairman Jaiñtia Hills Autonomous District Council (JHADC) won da man u kam u symbood kongsan.

Ka Nongbet hawa e i klam da ong ko wa i kaam rep da ku bha i hapoh ka District ha kini ki snem wa da lai deiwa pynchlur leh ya ki paidbah wow sdang ya i kaam rep deiwa pynemkaam ya iwa da em chwa ha ka rymaw khamtam wow thung jhoor, ki soh kamjooh leh wow psan mrad. 

Da ong ko leh wa u khontara toh uwa da naam bha na ka District neidaw wa man kyrpang i thaw wa thung ya ki khontara.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da khana ko leh chaphang ka Mission Value Chain Development for North Eastern Region (MOVCD-NER) kawa man ka Central Sector Scheme heiwa hapoh ka District daw yoh ya ar tylli ki Farmers Producers Company (FPC). Da pynche ko leh wa hapoh ka Scheme daw yoh yarap ya ki symbe, wow tipmit ya ki mar rep, wow chna ya ki thaw pynlang mar rep, wow chet wei wow song ya ki, kamjooh leh wow yarap dai ya ki mar.

Chooh chooh da kyntu ko ya ki warep wow sdang pynemkaam ya ki stat ka juk wa katni wei wow kreh chirup wa ka District Agriculture Officer wa District Horticulture Officer ha ka District khnang wow yoh yutip ki chaphang ki Scheme waphær waphær.

U Dr. Sankey Shangpung da ong u wa ki kaam rep da man i iwa khroo tam na ki kreh hapoh ka District deiwa pynchlur ya ki warep wow pynboon ya ki.

Kiwi kiwa da klam ha kani ka sngi toh ka W.C. Pariat, District Horticulture Officer, East Jaiñtia Hill District, ka W. Challam, District Agriculture Officer, East Jaiñtia Hill District, u Hubert Kharbuki, Superintendent of Fisheries, East Jaiñtia Hill District, Dr. F. Langstang, Animal Husbandry and Veterinary Officer, East Jaiñtia Hill District wa u P.S. Suchen, Assistant Director, Horticulture Department, East Jaiñtia Hill District.