Daw yoh ka Shillong sa kawi ka 5 Star Hotel

U Montri Rangbah ka jylla, u Conrad K Sangma ynne da booh u ya u mooyurim yow pynchna deiwi ya ka Orchid Hotel wa em ha Polo yow tip noh ka kam ka Aurika Hotel, Shillong iwa daw leh da ka Lemon Tree Hotels Ltd ha ka yalang wa emlang u Montri ka chnat Tourism, u Paul Lyngdoh, u Chairman ka Meghalaya Tourism Development Corporation, Sanbor Shullai wa kiwi de.

Kani daw man ko ka 5 Star Hotel wa le ha Shillong wei i chna ya ka toh lyngba ka PPP (Public Private Partnership) wa da yahkhmat da ka chnat Tourism yow pyndap pynbiang yei boon kiwa uiñke suwari wa wan chapoh ka jylla heiwa da yooluti wa daw ku ki da 60% ha ki 12 bnai wow wan.

Ya kani ka Hotel u chna hei lut wa Rs. 124 klur iwa daw bahkhlieh da ka Lemon Tree Hotels Limited wei daw em ko 130 tylli ki kamra heiwa ka MTDC daw yoh ko 1% na waroh iwa mih na kani ka Hotel deilang da bai wai kawa Rs. 2.5 klur chi snem heiwa da su chwa Rs. 5 klur.

Yei chna ya kani ka Hotel da booh por wow pyndep hapoh ar snem chiteiñ.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Kani ka Hotel daw em ko leh ki Banquet Hall wa ka Conference Room.

U Paul Lyngdoh da ong u wa ka Meghalaya da man ko kawi na ki thaw wa ka’it bha ki bru wow wan, wei ki kaam uiñke suwari da yarap pynyoh kreh ko ya 50,000 ngut ki bru hapoh ka jylla.

Ka Lemon Trees Hotels Ltd toh kawa em 109 tylli ki Hotel kattæ wei kani u man ko kawa nyngkong ha Shillong wei manda pyndep ya kani ka Aurika Hotel da em ko hei thaw wa heh 1.15 Acre.