Daw yoh Mini Secretariat ka EJH | U bichaar pynku kyrdan Sub Division ya ka Laskeiñ wa kiwi ha u 2027: Sniawbhalang

Ynne ka sngi u Deputy Chief Minister ka jylla, u Sniawbhalang Dhar da wan pait u yei kreh ya ka Mini Secretariat ha Jowai wei hawa kylli ya kam kani ka jooh ka Secretariat ha East Jaiñtia Hills namo ha Khliehriat, neiliang yong oo da ong u wa katni chwa u pyndep ya kani ha Jowai wei neitæ won daw poi hi i por wow chna ya ka cheitai leh deiwa kular wow leh yeini.

Da ong u leh wa khnang wow pynyajan ya i chakri ka sorkar cha ki paidbah, kamtæ da chna ya ki Mini Secretariat, ki Block, ki Civil Sub-Division wa ki Police Station khang wow suk ki paidbah hei lai i wan neibhah heithaw wow dep i kaam chi tayaaw daw ye u pyndep du chi sngi ar sngi donhi.

Chooh chooh da ong u wa ha ki Mini Secretariat daw wanrah ya ki Department heijooh i thaw wei heithaw wow dep i kaam san sngi, u ye u pyndep won du ar sngi.

Related posts

Maham u heh ka Russia wow pynemkaam da ki Nuclear hadien wa kem ka US ya ka jhaad kit phniang

January 8, 2026

Dawa ka President ka Venezuela wow pynuiñ ya u Maduro wa ka kurim u

January 8, 2026

Heiyatoh won wei dawa wow pynku kyrdan ya ka Laskeiñ Block cha ka Civil Sub Division, u Sniawbhalang da ong u wa da em booh ki dorkhat wa da yoh wei ha u snem wow wan næ ha u 2027 daw bichaar yeini chirup wa kiwi.