Jowai: U Superintendent of Police ka West Jaiñtia Hills, u Lakador Syiem daw yoh u ya ka khusnaam Union Home Minister Medal for Excellence in Police Training wei ya ini da pynbna ha uni u bnai wa dadep (Naisaphra).
Ya kani ka Medal da e da ka Bureau of Police Research and Development (BPR&D) kawa da sdang ha u 1970 hajrong ka thong yong ka Home Ministry wow pynthymme yei rukom krehkaam ki pulit ha kylleiñ ka ri.
U Lakador toh u Principal warim ka Police Training School (PTS) wei da jooh man u kam uwa sikai ka PTS kamjooh leh ha ka North East Police Academy nadooh u snem 2009 heipor wa man u kam u Deputy Superintendent of Police wei ha kini ki chiphaw snem wa dadep da man u kam u Guest Lecturer ha pyn ar kini ki thaw sikai.
Chooh chooh u Lakador da jooh lai e klam u ha ki skur wa College hajrong ki phang waphær waphær kam i dih drugs, ki kaam pyrchah ya ki kynthai wa ki khynnah, i sih wa mih na ki seiñ kieñ suloi wa kiwi kiwi.
Hawa yaklam wa u Lakador, da pyntip u wa kani ka Medal da e neibynta kiwa sikai (Lecturer) wa ki Instructor (Guruji) ha waroh ki Police Training Centre yong ka Meghalaya Police.
Da ong u wa eburom u ya ini i naam cha waroh kiwa sikai kiwa da yarap wow pynwandur ya u chynrang wa kynthai wow man ki ki pulit wa em akor.
Da e khublei u leh ya ki heh yong oo ha ki thaw sikai ka Meghalaya Police wa ya u Director General of Police wa em i ngait skem ya oo wow man kam u Trainer wei wow chakri ya ka chnat (Department) wa khamtam ya ki paidbah.
Discussion about this post