Jowai: Ka Khasi Students’ Union-War Jaiñtia Circle hapoh i yahkhmat u President yong ka u Laitphar Syngkrem hei emlang u General Secretary u Lurman B. Talang wa u Finance Secretary u Kindly Khyriem da yachem ki wa u Deputy Commissioner, West Jaintia Hills District ha ka 16 tarik uni u bnai hajrong wa ym em Block Development Officer hapoh Amlarem heiwa katni dang hap pait da ka J.U. Kharpuri kawa man leh ha i jooh i por ka Sub Division Officer (Civil), Amlarem.
Ka seiñ da dawa ko na u DC wow thung noh da ki bru wa biang wow chim ya kani ka kaam BDO neidaw wa man ko i doohnong wa khroo wei chem chitom ki paidbah ka thaaiñ War Jaiñtia lada kiwa wan emkaam neidaw wa boon kaam ka SDO, ki paidbah hap ki wow wan ar sien le sien cha ka yung krehkaam du neibynta ki kaam wa khian.
Ka seiñ da sñiaw ko wa neiliang ka sorkar toh u sñiawthooh ko ya ini wei toh u chimkhia wa kammon kini ki ar tylli ki yung krehkaam wa heh hem ko du kawi donhi ka sahep.
Neiliang u Deputy Commissioner da ong u wa daw leh u wow pynbiang smat ya iwa deiwa mynjur leh ktah bha ko lada ym biang ki sahep neibynta ki kaam paidbah.
Discussion about this post