Ka seiñ kiwa khayi wa tip kam ka Jaiñtia Tribal Traders Association (JTTA) dap ko dei sñiawsih wa khroo hadooh kattæ kattæ heiyatoh wa i iñ ka Iaw Thymme ynnin i miet iwa da wanrah i dooh nong wa khroo ya kiwa maad yeini i jynjar.
Hawa beiñ joor ya kiwa emkti wow thang ya kani ka yaaw, ka seiñ da dawa haroh ko na ki bor yong ka District Council wow behkreh chipor ya ki Chowkidar kiwa toh i kaam yong ki u yang ha kani ka yaaw, neibhah wym em chimkhia ki yei kaam yong ki, deiwa pynrap wa lada toh wa chimkhia ki Chowkidar ym toh u yoh i yaw u iñ dang 6 waje 6:30 i miet.
“Ym toh hi du i iñ, i chah tooh chah kyndang dukan kiwa chongdai chong dukan ha kani ka yaaw jia i neipor cheipor, i kylli i cheiwon lai ki Chowkidar? da ong u I. Najiar, President JTTA.
Yow lait u jia neini chakhmat, ka JTTA da kyntu ko yei emkaam u chimkhia ka Council dei wow pyndamkreh chipor ya ki Chowkidar.
Heijooh i por ka JTTA phah haroh ko ka khubor kyrkhu kyrdoh cha kiwa maad yeini i jia, heiwa u Blai Trekirot u theh u yei kyrkhu khyrdoh hei kamai kajih yong ki chaphrang.
