Ka BJP Meghalaya da beiñ joor ko ya i klam pyrchah ya u National Vice President wa kiwi kiwi kiwa kitkaam ka Party da u President wa ki dkhot ka Tura City District.
Neiliang ki MLA ka Party ha ka jylla wa kynthup ya u AL Hek uwa man leh u Montri ka sorkar wa u Sanbor Shullai wa u National Council Member ka Party, u Bashailang Khongwir, da ong ki wa ya kam kini ki dkhot kiwa klam pyrchah ya ka Party toh u beh seiñ noh ya ki neibhah wa da klam ki du katkam i mutdur yong ki donhi.
Da ong ki leh wa ini i klam pyrchah ya ka Party toh emkaam wow pynchitom ya ki neibhah kam u District President da klam pyrchah u ya u State In-charge uwa man leh u heh ka BJP ha ka ri, wei ini toh iwa ymye hiwot wow pdiang.
Heijooh i por da kyntu leh ya u State President ka BJP wow chimkhia hajrong ini bar i wow chong paitke donhi narood.
