Dawa beh seiñ ki MDC ka UDP ya u MDC ka Nongkrem uwa lai kyrchaan ya ka EC yong ka NPP

Uwa yahkhmat ka Parliamentary Party ka UDP ha KHADC, u Titosstarwell Chyne da ong u wa ki MDC da rai ki wow phah pynchitom ha kiwa yahkhmat ya u Lambor Malngiang hajrong i lai kyrchaan yong oo ya ka Executive Committee wa yahkhmat da ka NPP.

Ynne ka sngi u MDC ka Nongkrem na ka seiñ UDP da pynsñiaw paidbah u wow e kyrchaan ya ka Executive Committee, wat hawa dang man u kam u dkhot wa pura yong ka UDP.

Hawa klam wa ki laad pathai khubor, u Tistos da khana u wa du ar kynta hadien wa haap noh ka Executive Committee wa yahkhmat da ka UDP, da yoh yutip wa u Lambor da lai u wow e kyrchaan ya ka Executive Committee wa thymme, tangwaa ym em mih pyrthai ini.

Tangwa hadien wa da yoo ya ini i leh ynnin ka sngi, ki MDC da thoh ki cha u President wa toh u leh dei kaam wut-wut hajrong ini i leh u Lambor.

Related posts

Ym em u yalok ka NPP wa kiwi ki party ha ka Election MP: Wailadmiki

April 10, 2026

Ym em kam kitæ ki Gen Z Voter ha Assam: Himanta

April 10, 2026

Da ong u wa ini i leh da pynyoo wa da chet kylla u ya ka Party wa ya ki MDC ka UDP. Wei da ong u wa i dawa toh wow leh dei kaam bait syndon ya u Lambor wei lada ye toh u beh seiñ syndon næ chipor næ da kiwi ki pynchitom.