Dawa hiar chuki ka MPUF ya u Lat wa yaka Agatha

Jowai: Ka Meghalaya People United Front (MPUF) da pynsñiaw ko yei sñiawkhia wa khroo hajrong i kyrchaan yong ka Agatha K Sangma, MP yong ka jylla wa u Lat ka jylla u Tathagata Roy yaka Citizenship (Amendment) Bill, 2019 yong ka sorkar BJP.

Ka MPUF da pynsñiaw ko yei sñiawkthang ya u lat ka jylla u Tathagata Roy wa yaka Agatha Sangma MP ka Tura wa kyrchaan ki ya ka CAB neibhah wa tip che ki wa kani ka Bill man ko kawa maa hadooh kattæ kattæ yaka ri wa ka jaitbru khian paaid yong ka jylla Meghalaya heithaw wow thooh laad thooh luti ki kammon wow yada yaka ri wa ka jaitbru kawa man ka jylla khian paaid hadooh kattæ kattæ hawa wyrchaw wa kiwi won ki jylla tangwa da man daki kiwa kyrchaan hakhmat ya kani ka CAB hapoh ka jylla Meghalaya.

Kamtæ ka seiñ, ka dawa ko wa u lat ka jylla u Tathagata Roy wa ka Agatha Sangma wow hiar chuki noh chisyndon lada ym tip wow yada yaka ri wa ka jaitbru hapoh ka bri u Ynñiawtrep yong i wa ka jylla hi waroh kawi.

Ka seiñ da ong ko wa ini i leh yong u Lat ka jylla u Tathagata Roy wa ka Agatha Sangma da pynyoo che wa ym kheiñ chooh yaka yap ka im yong ka jylla hi waroh kawi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka MPUF da beiñ joor ko yaka sorkar BJP kawa da yooh beiñ ya i hok mantre yong ki khian paaid deiwa wanrah ya ka CAB. Ka seiñ ka dawa ko leh, na kiwa yahkhmat ka BJP kiwa em hapoh ka jylla hi waroh kawi kiwa dang em ka mynsien wow yada yaka ri waka jaitbru wow ieh noh ki yaka BJP kam ka dak i pyrchah ya i leh wym bna yong ka sorkar BJP yaka thaaiñ mihsngi.

Ka kyrwoh na u Publicity & Information Secretary Meghalaya People United Front (MPUF) Central Governing Body u H. Bhoi.