Ka All Jaiñtia Tourist & Commercial Vehicle Association (AJTCVA) ynne ka sngi da lai yaklam ko wa u Deputy Commissioner ka West Jaiñtia Hills heiyatoh wa i chim kabu ki Toll Gate ha Pasyih/Ialong deiwa chim T. 30 i lai wa T. 30 i wan.
Ini i dor toh iwa chim kut sien wa lai luti, wei ha i yaklam wa u DC, neiliang yong oo da kular u wow khut yaklam wow pynbait yeini wa ki sahep na ka NHAI.
Neiliang ka Association da dawa ko wa kat wympu dep pynbait yeini i rukom su ha ki Toll Gate toh wow e laad chwa ya ki kari wow lai ki kamwa jooh lai ki deiwa chim T. 30 chi sngi.
Chooh chooh neiliang yong ka Association da ong ko wa lada kiwa kreh ha Toll Gate ym ap ki yeiwa pynbait, neiliang ka Association ym yohsa de ki wow lai da iwi i luti neibynta i hok yong ki.
