Jowai : Ka AJYWO Central Body lyngba ka khubor na u President yong ka u MH Dkhar da ong u wa dawa ki na ka sorkar jylla wow pynsmat noh u pynkrehkaam ya ki Entry wa Exit Points ha waroh kawi ka jylla kamjooh leh ya ka Meghalaya Residents Safety and Security Bill-2016 khnang wow lait kiwa na lait u yoh u psiah u mih cha jylla katwa ngait.
“Lada yoh ki bru u psiah u mih katwa ngait chapoh ka jylla ini ye i u booh ya ki bru yong i kiwa khian paaid hei ma khamtam na ki bru wa man kam ki ISIS” Da ong u ma Dkhar.
Da pynrap chooh chooh deiwa ong “Iwa jia ha Bangladesh ha kini ki tayaw wa da dep kamjooh leh iwa yohkem ki BSF ya kattu katni ngut ki bru na chilliang u pood ka ri India na Bangladesh da pynsuba joor wa ye ki u man kam ki agent yong ki seiñ wa boon jait kamtæ emkaam u pynkrehkaam noh ya ki Entry wa ki Exit Points ha ka jylla”.
Heijooh i por ka seiñ da dawa ko wow pynkrehkaam noh ya ka Meghalaya Residents Safety and Security Bill-2016.
Discussion about this post