Dawa ka AJYWO wow khang ya ki dukan dai kiad be-aiñ harood sarok

Jowai: Ka seiñ AJYWO Central Body da beiñ joor ko hei yatoh wa i chah tynyap khiar u Maidar Tyngkan Dkhar wa i chah dung mynsoo won sa arngut ki khynroo ha ka chnong Mookhep ha ka miet ka 30 tarik u bnai wa dadep.

Ka seiñ da dawa ko naka aiñ wow pynchitom ya ki bru wa emkti hadooh wow chim yei mynsien bru.

U President ka AJYWO Central Body, u M. H. Dkhar da dawa u leh wow kem ya ki tre dukan dai kiad be-aiñ wa man leh i daw wa jia ini waroh ha katai ka miet.

“Ka seiñ da beiñ joor ko leh yei tlot ka tnat Excise wow khang ya kam kitai ki dukan dai kiad be-aiñ harood sarok kamjooh cha kdong cha chmiang.” ong u M H Dkhar.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka AJYWO da sñiaw phylla ko hadooh kattæ kattæ wa kini ki dukan dang yoh ki u em harood ki sarok Highway hadien wa da pynmih hukum wym hoi de u dai kiad cha rood sarok katwa ya ki Wine Store won da kyrriah lut ya ki.

Kamtæ ka seiñ neibynta i bha i miat ha ka imlang ka sahlang khamtam ya ki khon khynroo ka ri wa ka jaitbru da dawa joor ko na ka tnat Excise ka sorkar jylla wymtoh u thiah sngi ko wei toh u leh ko ya ki kaamram wa da pynkit ha ka deiwa pyndooh noh ya waroh kini ki dukan dai kiad be-aiñ.