Jowai : Ka seiñ AJYWO Central Body dei mynsien wa khia da pynsñiaw ko yei wym biang de i chakri ki network mobile phone waphær waphær hapoh Jaiñtia Hills nadooh nei kam phone hadooh hei pynemkam internet wa boon rukom.
“Ha-o i wan ki mobile phone wa ka internet ha Jaiñtia Hills man ko kam i kyrkhu ya ki bru ka thaiñ tangwa iwa phylla won toh ki wa kreh ka BSNL, Reliance, Aircel, Airtel wa ka Vodafone ym man de ki kam ki por nachwa” da ong u MH Dkhar, President ka AJYWO Central Body.
“I thut ki network mobile phone nadooh neipor klam hadooh i por wa leh internet ha kini ki sngi ha Jaiñtia Hills, ymtoh du ha ki thaiñ palat chnong tangwa wat ha sor Jowai, Khliehriat wa ha Ladrymbai heh” da kam u ma Dkhar.
Hei yatoh weini ka seiñ da kyntu ko na kini ki Company wow chimkhia yeini neibynta i bha i miat ka imlang sahlang.
Discussion about this post