Ynne ka sngi ka seiñ All Jaiñtia Youth Welfare Organisation-East Jaintia Zone (AJYWO-EJZ) da e dorkhat ko ha u Superintendent of Police ka East Jaiñtia Hills heiyatoh wa i jia wa chah tynyap kawi ka khynnah ha chnong Sohkymphor.
Ha ka dorkhat ka seiñ, da dawa wow pyndep noh yei takit wow kem wei wow pynchitom ya ki bru wa emkti ha ini i kaam.
Ka seiñ chooh chooh da dawa leh wow pynmih pyrthai ya i chem na i takit neipor cheipor heiyatoh wa ini iwa jia.
Kam wow pynkynmoo heini da suba wa ha ka 16 Kmaichonglad (December) 2020 kawi ka khynnah wa dang 18 snem i rta, da chah tynyap ko ha ki bru wym pu tip hadooh katni.
Kani ka khynnah toh kawa lai class IX ha ka skur Tia Chaphrang Higher Secondary School, Sohkymphor, East Jaiñtia Hills kawa na chnong Rtiang, West Jaiñtia Hills District.
