Jowai: Ka seiñ All Meghalaya People Organisation (AMPO) lyngba u President yong ka u H.B.Phawa da dawa ko wow kyrriah kaam noh ya u DC wa u SP ka East Jaiñtia Hills District.
Ya u DC da pynbaad wa i daw toh hajrong i pynman pyrchah yaka aiñ u yaka Public Hearing ka Star Cement ha pchem ka yung krehkaam DC warim ha Khliehriat haka 21 tarik uni u bnai, deiwa ong leh wa ym em bood ryntih yaki kyndon ka Environmental Impact Assessment Notification 2006. Wei neiliang ki paidbah leh da dawa ki wow pynsangeh ya kani ka Public Hearing chibnai nachwa.
Katwa ya u SP won ka seiñ da dawa ko wow kyrriah toh wada pynemkaam palat pood u yei bor yong oo deiwa pakhot bomb pynjhia khmat hapyrdi ki paidbah, wa hei sakhiat la toh u pakhot, toh u pakhot cha jngai na ki paidbah.
Da pynbaad wa ini i leh ki khlieh synchaar ka District da wanrah ko yei jæd i pra ka jaitbru hapoh ka District nalor wa rap e laad ki yaki baar jylla bar yaka khyndaw ka chyiap waka jaitbru.
