Dawa ka BJP Meghalaya wow pynchitom ya uwa leh ya ki kaam wa ktah yei sñiaw ki Christan

Ka BJP Meghalaya da beiñ ko yeiwa jia ha kawi ka yungmane wa em ha Mawlynnong, East Khasi Hills heiwa da em uwi u bru wa da leh ya ki kaam wa ye u ktah yei sñiaw ki Christan ha waroh kawi ka jylla wa ha waroh kawi ka ri.

Neiliang uwa e ktien ka BJP, Meghalaya, u Mariahom Kharkrang da ong u wa ini i rukom leh tohdor toh du wow yoh u pawnaam ya idæ tangwa da ktah won yei sñiaw kiwi iwa daw wanrah sa yei yachruit hapyrdi kiwa boon ki niam wei ya kam kini ki jait kaam da hap wow yait u leh lada jia kammon kammon leh.

Da ong u leh wa ka jylla toh kawa bna yei em i suk i saaiñ wei waroh toh kiwa da chimbynta lang ha kiwon kiwon ki lehkmen.

Kamtæ da ong u wa ka BJP kam ka Party toh kawa burom wei khlem leh chiliang ya kawon ka niam kawa yada leh yei man ka ri kawa yatylli wei ngait ko leh yei man salonsar waroh ki niam.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da e nongmuna u wa wot u Prime Minister ka ri leh lai chimbynta u wa kiwa yahkhmat ki niam Christan ha ka sngi chwa ka Christmas wei da yahkhmat leh u ya ka ri wow lehkmen ya kani ka sngi kawa sikai wow em i maya. Wei i leh da uwon uwon wow ktah yeini i im dei suk deiwa burom uwi ya uwi toh u beiñ da waroh wei toh leh u thooh ki laad wow khang laad ya kam kini.

Ka Party da kyntu ko leh ya ki pulit wow leh ki katkam wa emkaam da ka aiñ ya uni u bru yow yoh u yei chah pynchitom katkam wa toh u yoh u.

Da pynkut deiwa ong wa kam kini ki jait kaam wa leh uni u bru iwa khlem da pynemkaam yei jabieñ ym em thaw ki ha ka imlang sahlang wa katni.