Jowai: U State President ka Bharatiya Janata Party, Meghalaya u Shibun Lyngdoh da thoh u cha u Ramesh Pohkhriyal u montri ka sorkar pyrdi wa pait yaka MHRD heiyatoh wa ka Draft National Education Policy, 2019 wa ym em mih i ktien ‘Christian’ haka hadien kiwi ki niam kam ki Muslim, Sikh, Buddhist wa ki Jain mih pyrtuid hi ki.
Ha ka chithi, u Chibun da ong u wa hapoh ka ri India em kamwa 2,40,80,016 ngut ki Kristan iwa da man 2.3% na waroh i boon bru hapoh ka ri katkam ka 2011 Census wei ym toh u mylliñ ki.
Chooh chooh da ong u wa kiwi ki niam khian paaid wa em hapoh ka ri kam ki Muslim, ki Sikh, ki Buddhist hadooh ki Jain kiwa em du kamwa 0.4% na waroh i boon bru hapoh ka ri wei ya ki da kynmoo hapoh ka Chapter 6 ka Draft National Policy wei lada mylliñ ya ki Kristan ye ko wow wanrah yei sñiawthooh bakla, kamtæ emkaam wow booh leh yei ktien ‘Christian’ hapoh kani ka Chapter 6 kawa klam yei hok u yoh yaka puræ puthi ki niam wa khian paaid.
Da pysñiaw u leh yei sñiawngooh ya ka sorkar wa da e laad ko ya ki paidbah wow puræ ya kani ka Draft yow chem yeiwa duna ko kamjooh yow pyn janai ya ki da ki buit wa tyrwa ki paidbah kawa da e laad hadooh ka 31 tarik uni u bnai.
Discussion about this post