Ynne ka sngi u President ka BJP Meghalaya Pradesh, u Ernest Mawrie da ong u wa da pynman ya ka yalang wow phyllu yumut hajrong ka National Education Policy (NEP 2020) wa thymme ka ri.
Da pyntip u wa ha ka yalang da rai wow dawa naka sorkar wow pynman ya ka Khasi namo Garo wow man kam ka Compulsory Subject neibynta ki khynnah skur ka jylla.
Da ong u wa ki skur ha ka jylla lada ki yong sorkar mo ki yong ki bru samen namo wa pynlai da ki seiñ niam toh u wanrah ya ki hapoh kani ka Policy hei wow esikai ya kawi na ki jait ktien ka jylla ya waroh ki khynnah.
Da pyntip u leh wa daw thoh u cha u montri rangbah ka jylla, u Conrad Sangma, wa u montri ka chnat puræ puthi, u Lakmen Rymbui hajrong ini.
U Mawrie da e yaroh u ya ka sorkar pyrdi hajrong kani ka Policy kawa man kawa da emkaam bha hapoh ka ri waroh kawi.
