Shilllong: Ka Bharatya Janata Yuwa Morcha (BJYM) Meghalaya da dawa ko na u Chief Secretary, u Y. Tsering wa toh u pyndooh kaam chwa ya u HM Shangpliang, (IAS) uwa ksoh ya ka kaam Director ka tnat Social Welfare, hajrong wa chah pynbaad u wa embynta u wow yaroh wei da klam u leh ha ka yalang ka party Congress ha Lawbah kawa jia ha uni u bnai ha Mawsynram Constituency.
Hawa yaklam wa kiwa pathai khubor, neiliang u President ka BJYM, u Egenstar Kurkalang da ong u wa ini i leh u kam u sahep sorkar ha ka yalang ka seiñ saiñ pyrthai toh ka wym ye u pdiang wei da man ko leh pyrchah ya ka aiñ All India Service Rules 1968 kawa khang pyrchah ya uwon uwon uwa kreh sorkar wow embynta u ha ki kaam saiñ pyrthai.
Da pyntip leh waka BJYM da dawa ko wow ekti noh cha ka CBI pyrchah ya uni u sahep uwa ksoh ya ka kyrdan IAS.
“Ini i dawa takit CBI toh wow chemdien ya ki kaam sih wa roi neibhah oo ksoh u ya ka tnat Social Welfare kawa pait ya kiwa tymbuiñ i hok ki kynthai wa kiwi, wei ini waroh ympu em da e lut cha kiwa emkaam wei ye u leh wow embynta wow leh chilliang ya ka scheme sorkar khamtam hawa da paw wa oo em bynta u waka seiñ saiñ pyrthai kawa em hei bor synchaar ha ka jylla” da ong u Kurkalang.
U Egenstar da e por u chi tayaw ya ka sorkar u leh ko yeiwa emkaam wei lada ym ye ko u leh yeini, ka seiñ daw chim ko da kawi ka luti.
Also Read: Beiñ joor ka BJP yei lai yalang u HM Shangpliang yong ka Congress
Discussion about this post