Jowai: Ka Dorbar Chnong Lumshnong da thoh ko cha u Member Secretary ka Meghalaya State Pollution Control Board (MSPCB) wow pyndam noh chisyndon ya ka pynsñiaw paidbah namo ka Public Hearing yong ka karkhana pynmih khyndaw-bilat ka Star Cement kawa mut u pynman ha ka 15 tarik uni u bnai ha Lumshnong heipor 11 waje i step.
Kani ka Public Hearing toh wow paan bor na ki paidbah wow pynheh yei tih moochuni ka Star Cement naka 9 Lak TPA cha ka 25 Lak TPA wei neiliang ka Dorbar Chnong da pynsñiaw ki yei pyrchah yeini.
Da ong ki wa i daw wa pyrchah toh neidaw wa i thaw wa thmu wow tih moochuni thymme em i du 200 meter na ki thaw sah ki bru, daw ktah ko ya ka um baam um dih wa ki tyllong um dih, daw pynjakhlia ko ya ka la-ær na ki pum pum wa mih nei pynpdung bom pynpdung Dynamite wei daw ktah ko leh ya ki yung ki sem kiwa chong chnong neidaw wa pyndung bom hadooh wa da kyrbeh wa ki yung.
Kamtæ da kyntu ki ya u Member Secretary wow pyndam ya ka Public Hearing deiwa pyrkhat ya ka imlang sahlang yow lait u mih iwon iwon i kulmar wa sñiawsih.
Discussion about this post