Ka seiñ CSWO da pynsñiaw ko yei sñiawsih hajrong i rukom khlaad ka Nimai Phawa kawa da suba wa chah pynyap ko pyn ha u kurim ko u Fortunate Pala haka 13 tarik uni u bnai ha Mihmyntdu, West Jaiñtia Hills deiwa phah leh yaka khubor sñiawlem cha kiwa ha yung he sem yong ka Nimai kawa hadien wa chah pynyap da pyndur wa pasi ko.
Ka seiñ da beiñ ko leh yei chah noh u khon ko uwa dang 7 snem cha poh kawi ka wah da u Fortunate tangwa uni u khynnah da lait im u wow khana yei jia ya oo. Wei ini i jia kam ini toh iwa pynkhian mynsien ya ki khynnah wei neiliang ka sorkar toh u wanrah ko yei man chngaaiñ yaki khynnah.
Ka CSWO da kyntu ko leh yaki pulit wow kem smat ya uwa emkti wei wow e yarap cha kiwa hayung kawa khlaad kamjooh wow e yada ya ki.
Ka CSWO da ban joor ko wa ka jylla toh u e ko yei yada ya kiwa chong chnong khamtam ya ki kynthai wa ki khynnah yow lait ki wow im hei tieñ wei ya uni u bru ym toh wow e jamin.
Ka kyrwoh naka Agnes Kharshiing, President CSWO.
