Ka Dorbar Chnong Natbor ha u snem 2018 da thoh ko cha u EE ka Khliehriat Distribution Sub-Division MePDCL Khliehriat wa ha u snem 2020 da thoh ki cha u DC ka East Jaiñtia Hills District yow kyrpaad yada ya u Transformer deiwa kær ya ki kamjooh wow pynchna leh ya kiwi ki chrot bordiñ wa da sih yow lait nei jia iwon iwon wa sñiawsih heiwa hadien wym em leh ya ini, da thoh ki cha u DC wow yaklam wa ka MePDCL wow kylliang ya u Transformer uwa da sih nadooh ka 29-04-20.
Da booddien ya ini i kaam ha uni u snem won da u Marshall Biam uwa da thoh cha u EE ka Khliehriat Distribution hajrong i sih u Main Line wa ki chrot bordiñ heiwa da chem chitom kiwa chong chnong khamtam ki khynnah ha kini ki por wa em ka khlam wei da emkaam ya ki wow leh ya ka Online Class tangwa da dooh nong ki wym em bordiñ.
Chooh chooh da ong wa kini ki chrot bordiñ toh kiwa da baam bha i sarang wei da jan kheiñ ki kamtæ da kyrpaad wow leh smat yeiwa emkaam yow lait na iwon iwon i jai wa sñiawsih deiwa booh da ki chrot bordiñ wa thymme wa uwa thymme Main Line cha ka chnong.
