Ka Dorbar Chnong Umdeinlin kawa em ha Elaka Raliang da thoh ko cha ki bor sorkar hajrong i thoh bakla yei pyrtuid ka chnong da Umdienglieng ha ki kot ki sla ka Election Commission wa da ki kattu katni ki chnat sorkar wa kynthup ya ka yung krehkaam u DC, BDO wa da ka JHADC.
Ka Dorbar Chnong da dawa ko wow pynbait noh ya ini i thoh bakla neibhah ha ki kot ki sla ka Elaka leh da tipmit ya ka chnong kam ka Umdeinlin ym toh ka Umdienglieng iwa da wanrah yei kulmar hawa ki chnat sorkar won toh bakla ki yei pyrtuid ka chnong.
Chooh chooh da pyntip wa ka Dorbar Chnong leh da dep pynbait ko yeini i thoh bakla yei pyrtuid chnong wei da yooluti leh wa ki yung krehkaam ka sorkar u leh ki kamjooh wow pynkylla leh ha ki kot ki sla yow lait u mih i sñiawthooh bakla.
