Ka Dorbar Chnong Umkiang, East Jaiñtia Hills lyngba u Asst. Waheh Chnong yong ka ynne da e dorkhat ko ha u Montri ka chnat i chait i khiah ka jylla, u James Sangma wow dawa pynku kyrdan noh ya ka Umkiang Primary Health Centre cha ka Community Health Centre (CHC).
Katkam wa man katni kani ka PHC e chakri ko ya palat 16 tylli ki chnong kiwa em palat 15,000 ngut ki bru wei man ko ka thaw sumaar wa ha khappood, heiwa neiliang ka Dorbar Chnong da ong ko wa da toh i por wow pynboon noh ya ki bru wakreh ha ka khamtam ya ki rukom Test wa har rukom wow lait ki bru u lai cha sor wa ki chnong wa jngai.
Da ong ko wa ka Umkiang PHC da chakri ko da slem wei da toh i por wow pynku kyrdan ya ka, neibhah ini man i katkam i thrang i angnood ki paidbah ka thaaiñ.
Kamtæ neiliang ka Dorbar Chnong da kyntu ko ya ka sorkar lyngba u Montri ka chnat i chait i khiah wow pynku kyrdan noh ya ka Umkiang PHC cha ka CHC khnang wow myntoi ki paidbah na ki chnong khappood waroh.
Puræ leh: Khlem Doctor MBBS ha Umkiang PHC, thoh ka chnong cha ka sorkar
