Jowai: Ka seiñ East Jaiñtia Farmer & Supplier Association (EJF&SA) da yachem ko wa u symbood montri rangbah u Prestone Tynsong wow pynsñiaw ko yei chem chitom ki warep hapoh East Jaiñtia Hills.
Ha ka dorkhat wa e ka seiñ ha u Prestone da ong wa hapoh ka EJH kamwa 80% ki bru toh ki warep kiwa im ja leh deiwa psan syiar, masi, sniang wa kiwi kiwi wei ka sorkar da noh poisa ko da ki klur khlem chynna jngai neibhah emkaam ya ka Veterinary Farm neibhah lada ym em kani ka Farm da man ko kawa sepai yeiwa ka sorkar da pynchlur ko ya ki warep.
Da ong leh wa lada em kani ka Veterinary Farm daw suk wow yoh ya ki symbe sniang pyn napoh ka District neibhah hadooh katni haap pynlut boon neidaw wa haap lai chim symbe mrad wow psan nadooh na Jowai, WJH nalor wa jngai wei boon i lutsan wei em ki por ym yoh ya ki symbe wei da haap yang hadooh 3-4 bnai wei manda yoh leh man ko kawa duna bha wei em ki por da yoh 11 tylli ki symbe wei em wot du 2 tylli ki symbe.
Kamtæ da kyntu ya ka sorkar wow booh ko ya ka Veterinary Farm hapoh ka EJH yow yarap ko ya ki warep yow yoh myntoi ki.
Discussion about this post