Jowai: Ka seiñ East Jaiñtia Hills Driver Association (EJHDA), da kyrpaad, kyntu ko ya ki bor District wow chimkhia næ wow paitbniah bha hajrong i nohroi noh khlemakor kiwa khayï masi ya ki masi wa da yap cha roood u sarok bah NH-6, kawa da jia man i por neibhah wa ini i leh yong kiwa khayi masi da ktah ko ya i chait i khiah kiwa chong chnong kiwa em chajan.
Neiliang uwa yahkhmat ka Association u Lambor Dkhar da ong u wa hawa lai luti yong ki wa kiwa chong chnong ka thaaiñ East Jaintia Hills da chem ya ki masi wa da yap wa noh kiwa khayi masi na iwi i por cha kiwi ha ki thaw waphær waphær yong u sarok bah NH-6 khamtam ha ki bynta yong ka chnong Umkiang, Kuliang wa kiwi de ki chnong ha chwa wow poi cha khappood Bangladesh, kawa da wanrah yei smatung hadooh kattæ kattæ wym neh chah de.
Neiliang ka Association da dep ujor ko nachwa cha u DC Khliehriat, wei kopsar kiwa pynlai District ym em chimkhia ki ya ini. Kamtæ ka Association da kyrpaad biang ko ya ki bor District wow chimkhia wow kdoh u khoom ya ini i nohroi neibhah wa ktah ko yei chait i khiah ki bru wa lai wa yieñ lyngba uni u surok, da ong u Dkhar.
Discussion about this post