Hadien wa chem ka EJNC-Khliehmyntriang Unit wa em chiboon ki chrot bordiñ kiwa da sih ha ka thaaiñ, neiliang ka seiñ da kyntu ko ya ka yung krehkaam ka chnat MeECL wow lai sylli ko ya ini i kaam wow chem yeiwa sakhiat.
Ka seiñ da ong ko wa em chiboon ki chrot bordiñ wa da kheiñ wa da jan pat hapoh ka chnong Jalyiah wa Khliehmyntriang.
Hajrong ini waroh neiliang u President ka chnat seiñ, u Lektor S Dkhar da ong u wa daw booddien ki ya ini khnang wa ka imlang sahlang u man ko kawa chngaaiñ.
Da dawa leh wow kær ya u Transformer wa em hapoh ka chnong Khliehmyntriang khnang wa ki paaid wa chong chnong u yoh ki yei yada liang wanang khamtam ki khynnah.
