Ka East Jaintia National Council-Khliehmyntriang Unit da dawa joor ko na ki bor District wow kem wei pynchitom katkam ka aiñ ya ki bru wa biah yit rong yong ha ki kari hajrong ka yurim ka seiñ pyrkhat ko ya i chongsuk chong saiñ ki paidbah hapoh ka East Jaiñtia Hills District neibhah katkam wa man katni da em chiboon iwa jia wa sñiawsih hapoh ka District khamta ki bru wa jrah snam ki wym kheiñ de wot ya ki para mynsien bru.
Na ini i daw ka seiñ sñiawkhia ko ya ini wei da phah ya kani ka khubor cha ki bor District wow kem syndon wei takit bniah na iyi i daw wa hap wow biah rong yong ya ki yit kari wei wow pynchitom ya ki katkam ka aiñ.
Ka seiñ da ong leh wa ini booh da ki yit rong yong da yang ko yei maa chiboon ya ki paidpah khamtam ya ki khynnah kynthai ha kam kini ka por wa em ki jia wa sñiawsih wada jia hapoh ka District wei da rai leh wow phah dei thoh cha u DTO wa u SP hajrong ini i phang dawa.
