Ynne ka sngi, ka EJNC Khliehriat Circle hapoh i yahkhmat u General Secretary u Mebanteilang Sukhlain wa ki dkhot ka Central Body da lai e dorkhat ki ha ka State Bank of India, Khliehriat Branch wow pynemkaam da ki Token wa ki tanghæng.
Ka seiñ da pynsñiaw ko yei khia mynsien wow yoo yei khynñia i yieñ laiñ ki bru heipor wa li sai kamjooh wow kylliang poisa.
Ka seiñ leh da ong ko wa da sakhi ko wa da mih i kajai hapyrdi kiwa yieñ laiñ hadooh wa poi cha i mynsoo.
Hajrong ini i chem chitom ki paidbah hadooh wa hap ki u yieñ laiñ hadooh wym yoh por u lai mihlait wei lada mih na i thaw yieñ ki da em kiwi wa wan chim yei thaw yong ki.
Kamtea da kyntu ko ya ki Bank yow pynemkaam noh da ki Token Number ki wow e cha ki paidbah wa sai poisa kamjooh leh kiwa wan kylliang wa kiwa thap poisa. Lada pynemkaam da ki Token ym emkaam de ya ki paidbah wow yieñ laiñ ki da ki boon kynta.
Da kyrpaad leh ya ki Bank wow pynemkaam da ki tanghæng heipor wa pynbna ya ki Token Number yow sñiaw ki paidbah kiwa em cha lait ka Bank, pynkut u Mebanteilang Sukhlain, General Secretary Khliehriat Circle.
