Ka East Jaiñtia National Council (EJNC) hadien wa lai sylli ko da chem wa i mih roi ki karkhana thang mooyong (Coke Factory) hapoh ka East Jaiñtia Hills District da pynsepai ya ki thaw paidbah kiwa em harood kini ki karkhana.
Ka seiñ da ong ko wa i tdem wa i laphooh mooyong wa mih na kini ki karkhana da pynsih i ya ki thaw paidbah heiwa ymye de ki tang wow rep wow pynemkaam ya ki.
Kamtæ hajrong ini, ka EJNC hapoh ka i yahkhmat u Nangjan Dkhar, General Secretary EJNC- CEC dei sñiawkhia neibynta ki tre thaw wa chah ktah ha kini ki kharkana, ynne ka 28 tarik da e dorkhat noh ko ha u Deputy Commissioner ka East Jaiñtia Hills District, u Abhilash Baranwal wow phah su bai lutsan ya kini ki kharkhana cha ki tre thaw wa da chah ktah.
Neiliang yong u DC da kular u wow chimkhia ya ini i kaam wei wow yaklam leh wa ka chnat Meghalaya State Pollution Control Board (MSPCB) hajrong ini i kaam.
