Ka EJNC-Khliehmyntriang Unit da e dorkhat ko ha u Deputy Commissioner ka East Jaiñtia Hills hapoh i yahkhmat u President u Lektor Dkhar hajrong ka yurim wow kyrpaad wei wow e yumut ya ka sorkar yow wai biang ya ki yungmane hapoh ka District wa ha ka jylla hi waroh kawi.
Neiliang u DC u E. Kharmalki leh da kular u wow chimkhia hajrong kani ka phang dawa ka seiñ.
Neiliang u Lektor Dkhar da kylli u wa kammon wa ya ki yaw, ki haat kiwa man ki thaw wa boon ki bru dang ye wow wai ya ki le sien ha ka chi tayaw tangwa ya ka yungmane kawa du chisien chi tayaw ileh wym wai? Da kyntu u leh ya ki montri sorkar kiwa em hapoh ka sorkar MDA wa ym toh u pyrkhat næ wow pynkhreh du ya ka Election kawa daw wan tangwa toh u pyrkhat ya ki kaam wa dang sahteiñ wei da toh hi i por wow wai biang ya ki yungmane deiwa bood ryntih kyndon yada na ka khlam COVID-19.
Da ong u leh wa ha ri India man ko kawa laitlooid wow chakri Blai, kamtæ da khut u leh ya kiwi kiwa yahkhmat niam wa kiwi kiwa yahkhmat waphær waphær wa ya ki paidbah wow e ki yei kyrchaan ya ini i dawa yong ka seiñ khnang wow yoh u wai biang ya ki yungmane wei wow chakri laitlooid ya u Blai, pynkut ka kyrwoh na u General Secretary u Hynri Siangshai.
