Neilliang ka East Jaiñtia Taxi Owner Driver Association (EJTODA) ynne da lai yachem ko ya u District Transport Officer ka East Jaiñtia Hills District, wow pyntip ya i eh i khoo kiwa kamai kari (Local Taxi) wa ymye de ki wow su ya ki kot kari yong ki.
Ka seiñ da ong ko wa yeini toh neidaw wa da boon ware ki kari samen (Private) kiwa kamai pyrchah aiñ hapoh ka District kamtæ da kyrpaad joor ko wow sdang sylli (Checking) noh ya ki kari wa kamai tooh hapoh ka District khnang wa ki Local Taxi u yoh ki yei hok yong ki.
Chooh chooh neiliang ka Association da e por ko chi tayaw ya ka chnat wow leh ko yei kaamram yong ka.
Heiyatoh wa ini neiliang u District Transport Officer, da pyntip u wa ympu ye u leh Checking katni neidaw wa duna kiwa kreh (Enforcement Officer) kiwa em du ar ngut wei ym em kari sorkar ki (Government Vehicle).
Kamtæ ka seiñ da kyntu ko ya ka yung krehkaam wa khlieh dooh ka chnat wow pynbiang ya ki kari wow lai sylli kot kari wei wow thung leh rap boon ki wakreh Enforcement hapoh ka District.
