Ka Federation of Khasi Jaiñtia and Garo People (FKJGP) War Jaiñtia Circle hapoh ka i yahkmat u President ka seiñ u Banshlur Mukhim, u Assistant General Secretary u K. Khonglah da lai yachem ki ya ka DSEO ka West Jaiñtia Hills District wow dawa u chna pynmiat noh namo wow wanrah da ka New Building ya ka L.P. Government School kawa em ha ka chnong Padu Bah.
Ka seiñ hei yachem ya ka DSEO da pynsñiaw wa ka skur da sih bha ko, iwa da booh hei eh ya ki khynnah ka skur.
Neiliang u Banshlur Mukhim da pynsñiaw u yei sñiawsih wa khroo hajrong i jæd kani ka yung skur nadooh ki tin sap, ki dieñ wa ki kynroh da oor da piah ki wei wa kani ka skur ym duna de ko ya 65 snem kattu.
Ya kani ka yung skur da jooh pynman leh kam ka Polling Station Center heipor Election tangwa katni ym man de wow pynemkaam.
Kamtæ ka seiñ da kyrpaad ko ya ka sorkar wow chimkhia ya kani ka skur wow wanrah da ka yung wa thymme wow suk kiwa sikai kamjooh ki khynnah.
Neiliang ka DSEO leh da kular ko wow wanrah da ka yung skur wa thymme hapoh kani ka chnong.
