Ynne ka sngi, ka FKJGP Jaiñtia Hills Zone da lai yachem ko wa u Chief Engineer ka PWD (Roads), Shillong, Meghalaya yow kyrpaad ya ka chnat wow kær yei rood sarok deiwa booh da ki Guardrail næ ki Safety Barrier ha waroh ki sarok kiwa em hapoh Jaintia Hills nadoh ki Highways ki sarok chnong, ki sarok khian wa em ki synrang harood.
Kam wow pynkynmoo wa ha u bnai wa dep, ka seiñ dadep yachem ko ya u Superintendent Engineer ka Jowai Circle PWD (R) neibynta kani ka jooh ka kaam tangwa neidaw wym em yoo wa lai i kaam wei sdang i kreh, kamtæ ka seiñ da lai yachem ko wa u Chief Engineer.
Neiliang u Chief Organizing Secretary ka seiñ, u Wompher Wann wa u Legal Secretary, u Lidar Paia Dkhar da kyrpaad joor ki ya uni u sahep sorkar wow chimkhia yeini i kaam heiwa da ong u wa daw phah dei thoh cha waroh ki Executive Engineer wei da kular u leh wow chimkhia ya ini i kaam khnang wow lait na iwon iwon i jia wa sñiawsih.
Discussion about this post