Ka seiñ HANM Narpuh Circle hadien wa yoh ujor na ki bru wa kreh hapoh ka Topcem Cement Ltd kawa em ha East Jaiñtia Hills kiwa man kam ki tre chnong kiwa em 6 ngut kiwa da chah beh kreh na kani ka karkhana neidaw wa da dap ki 60 snem wei ym chah de wow kreh ki katkam ka aiñ.
Kamtæ ka seiñ HANM Narpuh Circle ha ka 25 tarik uni u bnai hapoh i yahkhmat u President, u P. Syiemlieh deiwa emlang u President ka HANM East Khasi Hills, u Lewin Syiem deilang wa ki dkhot ka Central Body da lai hiar syndet ki cha ka Topcem yow pyrchah joor ya itai i rai.
Hawa yaklam wa ki heh ka HR Department kani ka karkhana, da dawa joor wow pynpsiah kreh biang ya kitu ki bru kiwa da chah beh kreh deiwa e lang dei thoh wei da maham leh ya katai ka karkhana wa lada ym ap ko yei dawa ka seiñ, ym yohsa wot wow khang tala ya kani ka karkhana.
Neiliang u President ka Narpuh Circle da beiñ joor u ya u Local Director wa pait ya katai ka karkhana heiwa ki paradoh parasnaam yong i neipor chei por da maad ki yei eh tangwa u Local Director ym jooh ye u wow leh iyi iyi wow e yarap ya ki wakreh wa man kam ki tre chnong wei da yoo lakam manda yoh u chong chuki ym tip de wow pait ya kiwi won hawa em i eh.
Da pynrap chooh chooh wa ini toh i leh chiliang neibhah kiwa na baar jylla kiwa da tymmen ym em khang ya ki wow kreh wei ym em hi leh wow beh ya ki. Na ini i daw da ong u toh wow pynyoh kreh biang ya kini kiwa chah beh kreh.
