Ka seiñ HANM da thoh ko cha u Chief Secretary ka jylla, u DP Wahlang yow kyrpaad na oo wow chim yei kitkhlieh wow yaklam wa ka sorkar pyrdi kamjooh u chongknor ka Central Board of School Education (CBSE) wa toh u pynpsiah ya ka ktien Khasi kam kawi na ki ktien wow thoh Exam neibynta ki khynnah wa puræ ha ki skur wa bood katkam wa pynlai ka CBSE.
Ka seiñ da ong ko wa u thoh da ka ktien Khasi da e laad leh da ka Indian Certificate Secondary Education (ICSC) wa ka Indian School Certificate (ISC) kiwa da pynemkaam ya ka Khasi kam kawi na ki Subject wow thoh Exam.
Kamtæ ka seiñ da kyntu ko ya u Chief Secretary wow yaklam waka chnat puræ puthi ka sorkar pyrdi wow kynthup lang noh ya ka ktien Khasi wa Garo hapoh ka CBSE yow suk ki khynnah ka jylla kiwa lai ha ki skur CBSE.
Chooh chooh da kyrpaad leh wow yaklam u wa ka sorkar jylla Meghalaya kamjooh wa ka Meghalaya Board of School Education yow pynman ya ka ktien Khasi wa Garo kam ka Subject wym hoi u dam u chim u yaleh Exam neibynta waroh ki khynnah yow pynsakhiat chwa wow e ya ka Schedule Tribe Certificate.
