Ka HANM Narpuh Circle ynne ka sngi hapoh i yahkhmat u President ka seiñ, u P. Syiemlieh wa ki dkhot da lai e dorkhat ki ha u DC ka East Jaiñtia Hills District wow dawa phah ya ka NHAI wow chna pynmiat noh ya u sarokbah NH-06 hapoh ka ka District khamtam ha ki bynta ka Elaka Narpuh wa boon ki thaw wa dang sah khlem chna pyndep yei khyndaw wa oor.
“Ini da booh ko hei maa ya kiwa lai wa wan na u sarok,” da ong ka seiñ.
Ka seiñ da ong ko leh wa ki yung da chong syir ki nei oor i khyndaw harood sarok wa da kreh wow pynheh sarok neibhah ki Contractor ym em u kynroh bha ki ya ki bynta u sarok.
Neiliang u DC da kular u ya ka seiñ wow chimkhia yeini waroh.
